https://youtu.be/32TGOFRIVmE.
नमोऽस्तु सूर्याय सहस्र रश्मये सहस्र शाखान्वित सम्भवात्मने।
सहस्र योगोद्भव भाव भागिने सहस्रस ङ्ख्या युग धारिणे नमः॥
यन्मण्डलम् दीप्ति करम् विशालम् रत्न प्रभम् तीव्रमनादि रूपम्।
दारिद्र्य दुःख क्षय कारणम् च पुनातु माम् तत्सवितुर्वरेण्यम्॥१॥
यन्मण्डलम् देवगणैः सुपूजितम् विप्रैः स्तुतम् भावनमुक्तिकोविदम्।
तम् देवदेवम् प्रणमामि सूर्यम् पुनातु माम् तत्सवितुर्वरेण्यम्॥२॥
यन्मण्डलम् ज्ञान घनम् त्व गम्यम् त्रैलोक्य पूज्यम् त्रिगुणात्म रूपम्।
समस्त-तेजोमय-दिव्यरूपम् पुनातु माम् तत्सवितुर्वरेण्यम्॥३॥
यन्मण्डलम् गूढ मति प्रबोधम् धर्मस्य वृद्धिम् कुरुते जनानाम्।
यत्सर्व पाप क्षय कारणम् च पुनातु माम् तत्सवितुर्वरेण्यम्॥४॥
यन्मण्डलम् व्याधि विनाश दक्षम् यदृग्यजुःसामसु सम्प्रगीतम्।
प्रकाशितम् येन च भूर्भुवः स्वः पुनातु माम् तत्सवितुर्वरेण्यम्॥५॥
यन्मण्डलम् वेद विदो वदन्ति गायन्ति यच्चारण-सिद्धसङ्घाः।
यद्योगिनो योगजुषाम् च सङ्घाः पुनातु माम् तत्सवितुर्वरेण्यम्॥६॥
यन्मण्डलम् सर्वजनैश्च पूजितम् ज्योतिश्च कुर्यादिह मर्त्यलोके।
यत्काल काला द्यमनादि रूपम् पुनातु माम् तत्सवितुर्वरेण्यम्॥७॥
यन्मण्डलम् विष्णु चातु र्मुखाख्यम् यदक्षरम् पापहरम् जनानाम्।
यत्काल कल्प क्षय कारणम् च पुनातु माम् तत्सवितुर्वरेण्यम्॥८॥
यन्मण्डलम् विश्व सृजम् प्रसिद्धमुत्पत्ति-रक्षा-प्रलय-प्रगल्भम्।
यस्मिञ्जगत्संहरतेऽखिलम् च पुनातु माम् तत्सवितुर्वरेण्यम्॥९॥
यन्मण्डलम् सर्वगतस्य विष्णोरात्मा परम् धाम विशुद्धतत्त्वम्।
सूक्ष्मान्तरैर्योगपथानुगम्यम् पुनातु माम् तत्सवितुर्वरेण्यम्॥१०॥
यन्मण्डलम् वेद विदो वदन्ति गायन्ति यच्चारण-सिद्धसङ्घाः।
यन्मण्डलम् वेद विदः स्मरन्ति पुनातु माम् तत्सवितुर्वरेण्यम्॥११॥
यन्मण्डलम् वेद विदोप गीतम् यद्योगिनाम् योग पथानुगम्यम्।
तत्सर्व वेद्यम् प्रणमामि सूर्यम् पुनातु माम् तत्सवितुर्वरेण्यम्॥१२॥
सूर्य मण्डल सु स्त्रोत्रम् यः पठेत् सततम् नरः।
सर्व पाप विशुद्धात्मा सूर्यलोके महीयते॥१३॥
॥इति श्री भविष्योत्तरपुराणे
श्रीकृष्णार्जुनसंवादे सूर्यमण्डलस्तोत्रं सम्पूर्णम्॥
