https://youtu.be/NkDiSj9c1EA
दुखवा मिटाईं छठी मइया...
दुखवा मिटाईं छठी मैया,
रउए असरा हमार-
रऊए असरा हमार...
सब के पुरावे लीं मनसा,
हमरो सुन लीं पुकार-
हमरो सुन लीं पुकार
ससुरा में अईनी कईनी बरतिया,
हिवआ जुड़ाई दीहिं पिया के पीरीतिया
अचल सुहाग दीह मईया,
कईनी बरत तोहार,
कईनी बरत तोहार...
गोदिया भराई दीहीं धियवा अव पुतवा,
अंचरा में भरी दीहीं ममता दुलरवा
ममता दुलरवा,
सूपवा चढ़ाईब छठी मईया,
देहब अरघ तोहार,
देहब अरघ तोहार...
सास-ससुर के रोगवा मिटईह,
उनकर कयवा के कंचन बनईह,
कंचन बनईह लऊके अन्हार छठी मईया,
कर दीहिं घर ऊजियार,
कर दीहीं घर ऊजियार...
देवरा-ननदिया के दीहीं वरदनवा,
परिजन पुरजन पुराई सपनवा,
पुराई सपनवा घाटे सबे मिली छठी मईया,
गावे ली महिमा तोहार,
गावे ली महिमा तोहार...
दुखवा मिटाईं छठी मईया..
रउए असरा हमार-
रऊए असरा हमार...
सब के पुरावे लीं मनसा,
हमरो सुन लीं पुकार-
हमरो सुन लीं पुकार।।
कोई टिप्पणी नहीं:
एक टिप्पणी भेजें