मन छल पाबनि बलम संगे पूजीतौं.../ मधुश्रावणी / मैथिल लोक गीत

https://youtu.be/4kUcv_5QP3I  

मन छल पाबनि बलम संगे पूजीतौं,
नहि ऐला बालम हमार हे!
मन छल पाबनि बलम संगे पूजीतौं... 
नहि ऐला बालम हमार हे!

सासु बेदर्दी दरदो ने जानल,
ने देलनि भार पठाय हे !
मन छल पाबनि बलम संगे पूजीतौं... 

गोतनी बेदर्दी दरदो ने जानल, 
ने देलनि गौर बनाय हे !
मन छल पाबनि बलम संगे पूजीतौं... 

ननदी बेदर्दी दरदो ने जानल 
ने देलनि डाली सजाय हे !
मन छल पाबनि बलम संगे पूजीतौं... 

ससुर जी निदर्दा दरदो ने जानल 
नहिं देलन पानी पठाय हे !
मन छल पाबनि बलम संगे पूजीतौ...