https://youtu.be/VfwlanSff7g?si=gF2HiV2UR39aLD-U
राममन्दिरगीतम्
कोटिकण्ठगीतमिदं राष्ट्रमन्दिरं
जयतु जयतु हृदयपुटे राममन्दिरम् ॥
ऋषिवसिष्ठकौशिकादिपूतमन्दिरं
महितभरतलक्ष्मणार्यशोभिमन्दिरम् ।
हनुमदादिजानकीसमेतमन्दिरं
जयतु जयतु हृदयपुटे राममन्दिरम् ॥१॥
वाल्मीकेर्हृदयमृगविहारमन्दिरं
रामायणकाव्यध्वनिनाट्यमन्दिरम् ।
सरयूतटमण्डितं प्रबोधमन्दिरं
जयतु जयतु हृदयपुटे राममन्दिरम् ॥२॥
त्यागबलिसमर्पणैरवाप्तमन्दिरं
सामरस्यपोषकं विशिष्टमन्दिरम् ।
विश्वगुरुपदप्रदं हि विश्वमन्दिरं
जयतु जयतु हृदयपुटे राममन्दिरम् ॥३॥
विश्वबन्धुभावसिन्धुवाहिमन्दिरं
कोटिभावजाह्रवीहिमाद्रिमन्दिरम् ।
धर्ममार्गदर्शकमिदमार्षमन्दिरं
जयतु जयतु हृदयपुटे राममन्दिरम् ॥४॥
आत्मनिर्भरत्वदायिशक्तिमन्दिरं
समस्तलोकशान्तिकारिभक्तिमन्दिरम्।
कार्यकर्तृसाधितं विमुक्तिमन्दिरं
जयतु जयतु हृदयपुटे राममन्दिरम् ॥५॥
कोई टिप्पणी नहीं:
एक टिप्पणी भेजें