शुक्रवार, 6 मार्च 2020

झूम उठ्यो सगरो ब्रज मंडल...


कवित्त 

-अरुण मिश्र 

झूम  उठ्यो  सगरो  ब्रज  मंडल, 
होरी  कै  धूम - धमाल  भयो  है।
कारे-कन्हैया   पे   दूजो   है  रंग  
चढ़्यो, यहु खूब कमाल भयो है।
राधा  के   रंग  में   स्याम   रंगे, 
अरु राधेहु कै अस हाल  भयो है।
कान्हा  के  हाथ   लगे  न  अबै, 
तबहूँ  कस गाल गुलाल भयो है।।
                    *
(पूर्वप्रकाशित)

गुरुवार, 5 मार्च 2020

हे री! सखी...

हे री! सखी...




कवित्त (होली)
-अरुण  मिश्र

हे री! सखी, इन ऑखिन सम्मुख, 
होरी  तो,   सोरह  साल   जर्-यो है। 
पै री! सखी, यहि बार की होरी,न 
पूछौ  कुछौ, जस  हाल   कर्-यो है।
चैन उड़्यो दिन कौ,निसि नींद न, 
ऑखिन  डोरो  जु  लाल  पर्-यो है।
पूछैं  सबै,  तौ  बहानो  करौं, उड़ि 
ऑखिन  आय  गुलाल   पर्-यो है।।
                    *
(पूर्वप्रकाशित)

तुम खेलहु फाग पियारे कंत.../ शुभा मुद्गल

https://youtu.be/606cksMmneo
तुम खेलहु फाग पियारे कंत.../ शुभा मुद्गल 


बुधवार, 4 मार्च 2020

मृगनयनी को यार नवल रसिया (हवेली संगीत-रसिया) / निराली कार्तिक, अंकिता जोशी

https://youtu.be/Z_dJOT9JbUA
                         
मृगनयनी को यार नवल रसिया ...
(हवेली संगीत-रसिया)

स्वर : निराली कार्तिक, अंकिता जोशी

मृगनयनी को यार नवल रसिया, 
मृगनयनी को।।       

बड़ी-बड़ी अँखिया नैंनन में सुरमा, 
तेरी टेढ़ी चितवन मेरे मन बसिया ||1||

अतलस को याको लेंहगा सोहे,
झूमक सारी मेरो मन बसिया ||2||

छोटी अंगूरिन मुंदरी सोहे,
याके बीच आरसी मन बसिया. ||3||

याके बांह बड़ाे बाजूबन्द सोहे,
याके हियरे हार दिपत छतिया ||4||

रंगमहल में सेज बिछाई,
याके लाल पलंग पचरंग तकिया ||5||

पुरुषोत्तम प्रभु देख विवश भये,
सबे छोड़ ब्रज में बसिया.. ||6||

मंगलवार, 3 मार्च 2020

लाल गोपाल गुलाल हमारी आँखिन में जिन डारो जू... / हवेली संगीत / पंडित जसराज

https://youtu.be/XyA0MBUEaLM
लाल गोपाल गुलाल हमारी आँखिन में जिन डारो जू...
- कृष्ण दास (अष्टछाप के कवि)

  हवेली संगीत / पंडित जसराज


लाल गोपाल गुलाल हमारी आँखिन में जिन डारो जू।
बदन चन्द्रमा नैन चकोरी इन अन्तर जिन पारो जू ॥1॥

गावो राग बसन्त परस्पर अटपटे खेल निवारो जू।
कुमकुम रंग सों भरी पिचकारी तकि नैनन जिन मारो जू॥2॥

बंक विलोचन दुखमोचन लोचन भरि दृष्टि निहारो जू।
नागरी नायक सब सुख गायक कृष्णदास को तारो जू॥3॥ 

सोमवार, 2 मार्च 2020