https://youtu.be/O_0PVXI4RJ0?si=yrjvQ8WYara-puk6
क्रमशः रक्षिता रामजी, मातंगी कैलाशनाथ, श्रीरंजिनी बालाजी,
वन्देऽहन्तेऽनन्ते सुपदर - विन्दे विन्दे शन्ते निजसुख - कन्देऽमन्दे स्पन्दे शुभकरि बहुदयहृदययुते । मायेऽमेये लीये पुरहर - जायेऽजेये ज्ञेये ननु भव - दीये ध्येयेऽभ्येये निरुपम - पदि हृदि मृदितमृते ॥
रुन्धे हतनतबन्धे मम हृदयन्ते स्मितजितकुन्दे
अमलतररूपेऽपापे दीपे भवकूपे पतितं व्यथितं
देवि समुद्धर करुणाजलराशे सुरुचिरवेषे ।
धीरे वीरे शूरे सदमृत -
धारे तारेऽसारे बत भव -
कारागारे घोरे निपतित -
मव शिशुमतुलबले ।
अम्बालम्बे लम्बोदरपरि -
पाले बाले काले खलुजग -
दीशे धीशेऽनीशे हृदि शिव -
मनुमनुदिनममले ॥
शिष्टहितैषिणि दुष्टविनाशिनि
कष्टविभेदिनि दृष्टिविनोदिनि
सङ्कटकण्टकभिन्दनकुशलकले सकले सबले
श्रद्धाबद्धे न्यस्ताभयहस्ते सुरगणविनुते
श्रेष्ठे प्रेष्ठे ज्येष्ठे हिमगिरि -
पुष्टे जुष्टे तिष्ठे: शिवपरि -
निष्ठे स्पष्टे हृष्टे मम हृदि
मुनिजननुतिमुदिते ।
आद्ये वेद्ये वैद्ये त्रिजगति
रामे वामे श्यामे कुरु करु -
णान्ते दान्ते शान्ते भयहर -
भगवति सति शिवदे ॥
कोई टिप्पणी नहीं:
एक टिप्पणी भेजें