अमवा महुअवा के झूमे डरिया.../ महेंदर मिसिर / सुश्री चन्दन तिवारी

https://youtu.be/Lkq2iNX-QRU

अमवा महुअवा के झूमे डरिया 
अमवा महुअवा के झूमे डरिया
करवट फेरीं ना बलमु जी हमार ओरिया।
करवट फेरीं ना बलमु जी हमार ओरिया।

अमवा मोजर गइले महुआ कुचाई गइले
अमवा मोजर गइले महुआ कुचाई गइले
रसवा से भरी गइले कुल डरिया 
हो जी रसवा से भरि गइले कुल डरिया
करवट फेरीं ना बलमु जी हमार ओरिया।
करवट फेरीं ना बलमु जी हमार ओरिया।

महुआ बिनन हम गइली महुआ बगिया
महुआ बिनन हम गइली महुआ बगिया
रहिया जे छेकले देवर पापिया  
हो जी रहिया जे छेकले देवर पापिया
करवट फेरीं ना बलमु जी हमार ओरिया।
करवट फेरीं ना बलमु जी हमार ओरिया।

कोयली के बोली सुन मन बौराई गइले
कोयली के बोली सुन मन बौराई गइले
नाही अइले हमरो बलम रसिया 
हो जी नाही अइले हमरो बलम रसिया
करवट फेरीं ना बलमु जी हमार ओरिया।
करवट फेरीं ना बलमु जी हमार ओरिया।