बृहदीश्वर स्तोत्र

 https://youtu.be/U2OyyvVb9Dw

https://youtu.be/OlJihB6r5tk

 बृहदीश्वर स्तोत्र 

प्रवरं प्रभुमव्ययरूपमजं 
हरिकेशमपारकृपाजलधिम्। 
अभिवाद्यमनामयमाद्यसुरं
भज रे बृहदीश्वरमार्तिहरम्। 

रविचन्द्रकृशानुसुलोचन-
मम्बिकया सहितं जनसौख्यकरम्। 
बहुचोलनृपालनुतं विबुधं
भज रे बृहदीश्वरमार्तिहरम्। 

हिमपर्वतराजसुतादयितं
हिमरश्मिविभूषितमौलिवरम्। 
हतपापसमूहमनेकतनुं
भज रे बृहदीश्वरमार्तिहरम्। 

हरिकेशममोघकरं सदयं
परिरञ्जितभक्तहृदम्बुरुहम्। 
सुरदैत्यनतं मुनिराजनुतं
भज रे बृहदीश्वरमार्तिहरम्। 

|
त्रिपुरान्तकरूपिणमुग्रतनुं
महनीयमनोगतदिव्यतमम्। 
जगदीश्वरमागमसारभवं
भज रे बृहदीश्वरमार्तिहरम्।